მომსახურების პირობები

წინამდებარე მომსახურების პირობები (შემდგომში — „ხელშეკრულება") იდება ერთი მხრივ ი/მ გიორგი ქართველიშვილი-ს (მისამართი: ჭავჭავაძის გამზ. 33ე, თბილისი, საქართველო; წარმომადგენელი გიორგი ქართველიშვილი; შემდგომში — „კომპანია" ან „sendsms.ge") და მეორე მხრივ პლატფორმაზე რეგისტრირებულ პირს (შემდგომში — „მომხმარებელი") შორის. მხარეები ერთობლივად — „მხარეები".

1. ხელშეკრულების საგანი

1.1. ფორმაზე რეგისტრაციით ან მომსახურების პირობებზე თანხმობის დაფიქსირებით, მომხმარებელი ადასტურებს, რომ გაეცნო და სრულად ეთანხმება წინამდებარე პირობებს, კონფიდენციალურობის პოლიტიკასა და პერსონალურ მონაცემთა დამუშავების წესებს.

1.2. რეგისტრაციის შემდეგ კომპანია მომხმარებელს ანიჭებს წვდომას პლატფორმაზე და გამოუყოფს პირად კაბინეტს, საიდანაც მომხმარებელი ახორციელებს SMS-მომსახურებასთან დაკავშირებულ მოქმედებებს — როგორც ტრანზაქციული, ისე მარკეტინგული ხასიათის შეტყობინებების გაგზავნას.

1.3. მომსახურებით სარგებლობისთვის მომხმარებელი წინასწარ იძენს განსაზღვრული რაოდენობის შეტყობინებებს (ავსებს ბალანსს) მოქმედი ტარიფების შესაბამისად.

1.4. შეტყობინებების ადრესატამდე მისატანად კომპანია იყენებს ოპერატორებისა და ტექნიკური პროვაიდერების (მათ შორის SMS-აგრეგატორების) ინფრასტრუქტურას.

1.5. კომპანია ამუშავებს მხოლოდ იმ მონაცემებს, რაც აუცილებელია მომსახურების გასაწევად. მომხმარებლის მიერ ატვირთულ/შეყვანილ მონაცემებზე პასუხისმგებელია მომხმარებელი.

2. სათაური (Sender ID)

2.1. შეტყობინებების გასაგზავნად მომხმარებელი არეგისტრირებს სათაურს (Sender ID), რომელიც გამოჩნდება შეტყობინების გამგზავნად. დასაშვებია ერთზე მეტი სათაური.

2.2. ახალი სათაურის შექმნა შესაძლებელია მხოლოდ მას შემდეგ, რაც მომხმარებელი დაეთანხმება წინამდებარე ხელშეკრულებას და გაივლის პირადობის ონლაინ ვერიფიკაციას. სათაურის მოთხოვნა მიიღება მხოლოდ სამუშაო დღეებში, სამუშაო საათებში (ორშ–პარ, 10:00–18:00, თბილისის დროით). მოთხოვნა ავტომატურად გადაეცემა კომპანიის ტექნიკურ ინფრასტრუქტურას აქტივაციისთვის.

2.3. სათაური უნდა აკმაყოფილებდეს ტექნიკურ მოთხოვნებს (არაუმეტეს 11 სიმბოლო; ლათინური ასოები, ციფრები, წერტილი, ტირე, ჰარი) და არ უნდა არღვევდეს მესამე პირთა უფლებებს ან მოქმედ კანონმდებლობას.

2.4. სათაურის აქტივაცია შესაძლოა გაგრძელდეს გონივრული ვადით (ოპერატორების მხრიდან — 48 საათამდე). კომპანია უფლებამოსილია უარი თქვას სათაურის გააქტიურებაზე დასაბუთებული საფუძვლით.

2.5. მომხმარებელი უფლებამოსილია შეტყობინებები გააგზავნოს მხოლოდ უკვე გააქტიურებული სათაურით.

3. შეტყობინებების გაგზავნა

3.1. SMS-ის გაგზავნა შესაძლებელია მხოლოდ იმ ნომრებზე, რომლებიც მომხმარებელმა კანონიერად მოიპოვა. მარკეტინგული შეტყობინებებისთვის ადრესატთა თანხმობის მოპოვება მთლიანად მომხმარებლის პასუხისმგებლობაა.

3.2. მარკეტინგული შეტყობინების შემთხვევაში მომხმარებელი ვალდებულია დაიცვას უარის თქმის (opt-out) მექანიზმი მოქმედი კანონმდებლობის შესაბამისად.

3.3. პლატფორმა მომხმარებელს აძლევს საშუალებას მართოს ადრესატთა სიები, აღრიცხოს თანხმობები და გამოყოს უარის მქონე ადრესატები (სტოპ-სია). ეს ფუნქციონალი არ ხსნის მომხმარებლის პასუხისმგებლობას.

3.4. მომხმარებელი ვალდებულია შეტყობინების შინაარსი შეუსაბამოს „რეკლამის შესახებ", „პერსონალურ მონაცემთა დაცვის შესახებ" და სხვა მოქმედ კანონმდებლობას.

4. მხარეთა უფლება-მოვალეობები

4.1. კომპანია უფლებამოსილია ცალმხრივად განაახლოს მომსახურების პირობები; ახალი რედაქცია ძალაში შედის პლატფორმაზე გამოქვეყნებისთანავე. კომპანია გონივრულ ფარგლებში უზრუნველყოფს პლატფორმის ხელმისაწვდომობას, თუმცა არ აგებს პასუხს მისი ბრალის გარეშე წარმოშობილ შეფერხებებზე.

4.2. მომხმარებელი ვალდებულია გაიაროს რეგისტრაცია და ვერიფიკაცია, დაეთანხმოს პირობებს, მიაწოდოს ზუსტი და სრული ინფორმაცია და გამოიყენოს პლატფორმა მხოლოდ კანონიერი მიზნებისთვის. აკრძალულია უკანონო საქონლის/მომსახურების რეკლამა და კანონსაწინააღმდეგო შინაარსის გავრცელება.

5. მომხმარებლის რისკები და დამატებითი პასუხისმგებლობა

5.1. მომხმარებელი თავად აგებს პასუხს თავის ანგარიშში შეტანილ ინფორმაციაზე და მის უსაფრთხოებაზე.

5.2. კომპანია არ აგებს პასუხს დანაკარგზე ან ზიანზე, თუ ის არ არის კომპანიის პირდაპირი ბრალეულობით გამოწვეული.

5.3. კომპანია არ აგებს პასუხს შეტყობინების დაგვიანებაზე, მიუწოდებლობაზე, ოპერატორის ქსელის მდგომარეობაზე ან სხვა გარემოებაზე, რომელიც მისი კონტროლის გარეთაა.

6. მომსახურების ღირებულება და ანგარიშსწორება

6.1. მომხმარებელი მომსახურების სანაცვლოდ წინასწარ ყიდულობს შეტყობინებებს მოქმედი ტარიფების შესაბამისად.

6.2. ბალანსის შევსება ხორციელდება ონლაინ, ბარათით, საქართველოს ბანკის (BOG) გადახდის სისტემის მეშვეობით უშუალოდ პლატფორმაზე, ან საბანკო გადარიცხვით კომპანიის ანგარიშზე: GE45BG0000000589109518 (ინვოისის საფუძველზე). ონლაინ გადახდის შემდეგ კრედიტი ავტომატურად აისახება პირად კაბინეტში.

6.3. შეტყობინების ხარჯი დამოკიდებულია ტექსტის სიგრძეზე, ანბანზე (ლათინური/უნიკოდი) და სხვა ტექნიკურ პარამეტრებზე. ერთი სტანდარტული SMS — 160 ლათინური ან 70 ქართული სიმბოლო.

6.4. მას შემდეგ, რაც შეტყობინება ტექნიკურად გადაეცემა ოპერატორს, კომპანია უფლებამოსილია ჩამოწეროს შესაბამისი ოდენობა ბალანსიდან. კომპანია არ აბრუნებს ღირებულებას, თუ შეტყობინება კორექტულად გადაიცა, მაგრამ მიწოდება შეფერხდა ოპერატორის ან სხვა ტექნიკური მიზეზით.

6.5. ნაყიდი შეტყობინებები უვადოა.

7. ფორს-მაჟორი

7.1. მხარეები თავისუფლდებიან პასუხისმგებლობისგან, თუ ვალდებულების შესრულება შეუძლებელი გახდა დაუძლეველი ძალის (სტიქია, ხანძარი, საომარი მოქმედება, მასშტაბური ტექნიკური ავარია და სხვ.) გამო. ამ პერიოდში კომპანია არ აგებს პასუხს მომსახურების შეფერხებაზე.

8. დავის გადაწყვეტა

8.1. დავა პირველ რიგში წყდება მოლაპარაკებით. შეთანხმების მიუღწევლობის შემთხვევაში დავას განიხილავს საქართველოს საერთო სასამართლო, საქართველოს კანონმდებლობის შესაბამისად.

9. კონფიდენციალურობა

9.1. მხარეები იცავენ ერთმანეთის შესახებ მიღებული ინფორმაციის კონფიდენციალურობას და არ ამჟღავნებენ მესამე პირებზე, გარდა კანონით გათვალისწინებული შემთხვევებისა.

10. დასკვნითი დებულებები

10.1. ხელშეკრულებიდან გამომდინარე უფლება-მოვალეობები მესამე პირს არ გადაეცემა მეორე მხარის წერილობითი თანხმობის გარეშე.

10.2. რომელიმე პუნქტის ბათილობა არ იწვევს დანარჩენი ნაწილების ბათილობას.

10.3. მომხმარებელი ეთანხმება, რომ კომპანია მის მიერ მითითებულ ელ. ფოსტაზე/ნომერზე გაუგზავნის მომსახურებასთან დაკავშირებულ და (სამართლებრივი საფუძვლის არსებობისას) მარკეტინგულ შეტყობინებებს. მომხმარებელს უფლება აქვს მოითხოვოს ასეთი კომუნიკაციის შეწყვეტა.

10.4. წინამდებარე პირობები ძალაში შედის მომხმარებლის მიერ თანხმობის დაფიქსირების მომენტიდან.